EUSKADIRI BURUZ
ANTOLATU ZEURE BIDAIA
NEGOZIO-BIDAIAK
SEKTORE PROFESIONALA
NATURA
HONDARTZAK, URTEGIAK ETA ERREKAK
252 kilometrotan, erakargarri turistiko ugari ditu euskal kostaldeak. Turista askok bisitatzen dute, naturgune ederrek erakarrita; izan ere, harea fineko hondartzak itsaslabar malkartsuekin, ibaien bokaleekin eta interes ekologiko handiko padurekin tartekatzen dira. Barrualdean, berriz, aisialdirako gune ugari topatuko ditugu ibai eta urtegien inguruan. Hain zuzen, urtegi horietako batzuek barnealdeko itsasoak dirudite eta bisitariak aho zabalik utziko dituzte.
NABARMENTZEKOA...
Saturraran hondartza
Gipuzkoako kostaldearen mendebaldeko muturrean dago Saturraran hondartza, Bizkaiarekin muga egiten duen ingurune ederrean. Olatuak indarrez iristen dira bertara. Bi haitzen forma bitxia nabarmentzen da inguru horretan. Kondairak dioenez, Satur eta Aran maitaleen itxura dute.
300 metro ditu, eta urre koloreko harea. Ondoan, autoak uzteko toki zabala eta bazkariak eskaintzen dituen taberna daude. Inguruetan, gainera, kanpina eta nudistentzako gunea daude.
Kirola gustuko dutenek aukera paregabea dute uretako zenbait kirol egiteko, piraguismoa eta windsurfa, esaterako. Horrez gain, pasieran ibiltzeko toki paregabea da, itsasertzetik zein Saturraran eta Ondarroako hondartza lotzen dituen bidean zehar.
300 metro ditu, eta urre koloreko harea. Ondoan, autoak uzteko toki zabala eta bazkariak eskaintzen dituen taberna daude. Inguruetan, gainera, kanpina eta nudistentzako gunea daude.
Kirola gustuko dutenek aukera paregabea dute uretako zenbait kirol egiteko, piraguismoa eta windsurfa, esaterako. Horrez gain, pasieran ibiltzeko toki paregabea da, itsasertzetik zein Saturraran eta Ondarroako hondartza lotzen dituen bidean zehar.
