Gipuzkoako kostaldeko ekialdeko muturrean dago Hondarribiako hondartza, Txingudiko badia ederrean eta Bidasoa ibaiaren bokalearen ondoan.

Hareatza eder honek urre koloreko harea fina du eta luzeran, 700 bat metro. Erdigunetik oso gertu dago eta hala, inguruan hainbat taberna eta jatetxe daude. Horrez gainera, zenbait zerbitzu ditu hondartzak, dutxak, komunak, haurrentzako jolastokia, autoa uzteko guneak eta sorosleak, tartean.

Halaber, uretako hainbat kirol egiteko aukera aparta dugu, piraguismoa eta windsurfa, kasu. Gainera, udan, tranpolinak eta txirristak dituen egitura berezia jartzen dute itsasoan.