Zurriola hondartza Donostian dago, Gros auzoan, Kursaal Kongresu Jauregiaren begiradapean. Garai batean, hainbat hareatza baino ez ziren Urumea ibaiaren bokalearen eta Ulia mendiaren artean zeudenak. 90eko hamarkadan, berriz, eraberritze-lanak hasi zituzten, eta egungo hondartza eraiki zuten. Harea fineko hondartza da eta, tarteka, olatu biziek astintzen dute.

Olatuek dituzten ezaugarriak kontuan hartuta, surfak garrantzia handia du Zurriola hondartza ederrean. Surf eskolak ez ezik, windsurf eta igeri egiten ikasteko eskolak ere badaude. Horrekin batera, kirola egiteko gune bereziak eta boleibol eta saskibaloi zelaiak daude inguruetan.

Ingurumenaren kudeaketan egindako lan apartari esker, Europar Batasunak kalitatearen EMAS ziurtagiria (ematen duen garrantzitsuena) berritu zion Zurriola hondartzari 2007an.